Урысые Федерацием и Министерствэу псэолъэшӀынымкӀэ, псэупӀэмкӀэ ыкӀи коммунальнэ хъызмэтымкӀэ псэупӀэм иметрэ плIэмые зыпчъагъэ ыуасэу 2026-рэ илъэсым иапэрэ мэзих къыкӀоцӀ щыӀэщтыр агъэнэфэгъах. Ар джы сомэ 116400-м ехъущт ($1533-рэ), 2025-рэ илъэсым имэзихырэ етӀуанэ сомэ 113700-рэу щытыгъэм елъытыгъэмэ, проценти 2-кӀэ нахьыб.
2026-рэ илъэсым иапэрэ мэзищ хэгъэгум ишъолъырхэмкӀэ псэупӀэхэм ягурыт уасэу бэдзэрхэм ащагъэнэфагъэр министерствэм ыштагъ. Анахь лъагэу зыщагъэнэфагъэхэр Чукотка – зы метрэ плIэмыем сомэ 265-рэ мин; Москва – сомэ 202-рэ мин фэдиз; джащ фэдэу Ямало-Ненецкэ автоном шъолъырыр (сомэ 184-рэ мин 600-рэ), Приморскэ краир (сомэ 178-рэ мин 100-рэ), Камчатскэ краир (сомэ 175-рэ мин 800-рэ).
ПсэупӀэхэм анахь осэ макӀэ зыщаӀэхэр Къэбэртэе-Бэлъкъарым (сомэ мин 55,5-рэ) ыкӀи Ингушетием (сомэ мин 59,5-рэ) арых, псэолъэшӀынымкӀэ Министерствэм къызэритыгъэмкӀэ.
Федеральнэ бюджетым имылъкукӀэ псэупӀэ зыщэфырэ е зышӀырэ цӀыфхэм чылагъо (социальнэ) тынхэу аратыщтхэр къызыщыхалъытэрэ шапхъэхэр ары.
Comments
Post a Comment