Адыгэ Республикэм икъэлэ шъхьаӀэу Мыекъуапэ псэупӀэ зэхэт-купэу (комплексэу) «Эпосыр» къыщызэӀуахыщт. Ар непэрэ уахътэмрэ республикэм икультурнэ кӀэнрэ зэпхыгъэ зэрэхъущтым тегъэпсыхьагъ.
ПсэупӀэр зышӀырэ НVM Компаниер псэупӀэ зэхэт-купэу «Эпосым» игъэпсалъэ (проект) къытегущыӀагъ. ЦӀыфымэ ящыкӀагъэхэр зыщыгъэцэкӀэгъэщт ыкӀи зыхэгъэхъощт кӀоцӀ инфраструктурэ зэтегъэпсыхьагъэ шӀыгъэныр ары ащ нахьэу зытегъэпсыхьагъэр.
Гъэпсалъэм къызэрэдилъытэрэмкӀэ, зэхэ-купым ежь иIэзапIэ, ичылыс, икӀэлэцӀыкӀу джэгупӀэхэр, испорт ешӀапӀэхэр хэхьащтых.
Унагъохэр щыпсэунхэу, Ӏоф щышӀэнхэу, зыщагъэпсэфынхэу псэупӀэ «Эпосыр» зэтегъэпсыхьагъэ шӀыгъэныр тигухэлъ, къеӀо НВМ-м илӀыкӀоу Абатэ Темыркъан. Ащ къыхэкӀэу нахьыжъхэми ныбжьыкӀэхэми яшӀоигъоныгъэхэр къыдэтлъытагъэхэу зыщыуцужьынхэу, зыщагъэпсэфынхэу чӀыпӀэхэри спортым зыщыпхъашӀэн плъэкӀыщтхэри щыдгъэпсыгъэх.
Зэтегъэпсыхьагъэм иархитектурэ, абджыпкъхэмрэ непэрэ пкъыгъохэмрэ зэщыгъэу, чӀыопсым итеплъэ зэдиштэу зэхэлъ. Ку зиӀэхэм ятынчъагъэ къыдэлъытагъэу чӀышъхьэ ыкӀи къат заулэу зэхэт уцупӀэхэр щыӀэх.
ПсэупӀэ зэхэт-купэу «Эпосыр» Мыекъуапэ щашӀы, ошъокупIэм ичӀыпӀэ (урамэу Авиачнэм, урамэу 9 Маир зыщыӀэм пэблагъэу). ЧӀыпӀэр зэтегъэпсыхьагъ: къэлэ гупчэр км 4 фэдизэу (кукӀэ такъикъ 10 — 15) пэчыжьэ. Мыекъуапэ къыщыкӀорэ гъогушхоу къэлэпэӀушъхьэхэм зэпхыныгъэ адызышӀырэр пэблагъэу щыт.
Чылагъо (Общественнэ) кузекIохэр (транспортыр) ӀэшӀэхэу къыбгъэфедэн плъэкӀыщт: автобус уцупӀэхэр пэблагъэх, Мыекъуапэ иавтовокзалрэ икъэгъэзэгъупӀэрэ псэолъэшӀыпӀэм лъэсэу унэсын плъэкӀыщт.
Comments
Post a Comment