Мы тхыгъэм Адыгэ хэкум ит къалэ шъхьаIхэм ащащэр унхэм анахь лъапIэхэр къэттхыщт. Ахэр сайтэу Авито къитхыгъэх. Щэн-щэфэн фэгъэхьыгъэ мэкъэгъэIу IофхэмкIэ Авито сайтыр Урысые ФедерациемкIэ ыкIи дунаемкIэ анахь пхъащэхэм ащыщ.
Мыекъуапэ
Адыгэ Республикэм икъэлашъхьэу Мыекъуапэ, унэ ащэу Авито къырагъэуцугъ милион 90 рубль иуасэу ($ 1,104,294). Унэр къатитIу мэхъу, иинагъэр метрэ плIэмые 800 мэхъу. ЧIыгоу пылъэр метрэ плIэмые 1300 мэхъу. Унэр къалэм икъыблэкIэ щыI, псыхъоу шъхьэгуащэ метрэ 100-кIэ пэблагъ.
Черкесск
Къэрэщай-Черкес Республикэм икъэлашъхьэу Черкесск, унэ щащэ милион 110 рубль иуасэу ($1,349,693). Унэр къатитIу мэхъу, иинагъэр метрэ плIэмые 450 мэхъу. ЧIыгоу пылъэр метрэ плIэмые 1630 мэхъу. Унэр къалэм икъыкъочIыпIэ лъэныкъом щыI, псыхъоу Кубань (Пщыз) зы километрэкIэ пэчъыжь.
Нальчик
Къэбэртае-Бэлкъар Республикэм икъэлашъхьэу Нальчик, унэ щащэ милион 165 рубль иуасэу
($ 2,024,539). Унэр къатитIу мэхъу, иинагъэр метрэ плIэмые 1200 мэхъу. ЧIыгоу пылъэр метрэ плIэмые 1000 мэхъу. Унэр къалэм икъохьапIэ лъэныкъо щыI, псыхъоу Нальчик зы километрэкIэ пэчъыжь.
ТIуапсэ
ТIуапсэ къалэм иадминистрацие хахьэрэ къуаджэу Дзыбыркой, унэ щащэ милион 150 рубль иуасэу ($ 1,840,797). Унэр къати 4 мэхъу, иинагъэр метрэ плIэмые 580 мэхъу. ЧIыгоу пылъэр метрэ плIэмые 800 мэхъу. Унэр къалэм икъыкъочIыпIэ лъэныкъом щыI, километрэ 10-кIэ къэлэ гупчъэм пэчъыжь. Хым 1.5 километрэкIэ пэблагъ.
Мы уасэхэр зыхэтыутыгъэр жъоныгъуакIэм и 4 ары (04.05.2025). А мафэм зы доларым иосагъэр 81.50 рубл.
Comments
Post a Comment