Адыгэ хэкум ит къалэу Шъачэ унэ лъапӀэхэм (унэ лукс) яуасэр ахахъозэпыт. 2024-рэ илъэсым зэфэхьысыжьхэу фэхъугъэхэм къызэрагъэлъэгъуагъэмкӀэ, мы зыгъэпсэфыпӀэ къалэм псэупӀэу щащэфырэм ыуасэ Москва, Санкт-Петербург ащыщыхэм ашъхьэпихыгъ, доллар миллионкӀэ квадратнэ метрэ 50 фэдиз зыхэт фэтэр къэпщэфын плъэкӀыщт. Урысыем и Инвесторхэм я Лъэпкъ Зэгохьэныгъэ и Шъачэ лӀыкӀоу Милена Кокоринар РБК-м ителевидение зэдэгущыӀэгъу дыриӀагъэм къыщиIуагъ.
Ащ къызэриӀуагъэмкӀэ, мы уахътэм унэ цӀыкӀухэр (къыт - къатитIу) къыщышӀыгъэнхэм фэӀорышӀэу къалэм зыкъызэриӀэтырэр къыхагъэщы, ащ фэдэу тапэкӀи илъэс пшӀы пчъагъэ тӀу-щыкӀэ къыкӀоцӀ зэрэхъущтым уицыхьэ телъын плъэкӀыщт. Ащ дакӀоу Кокоринам къыхигъэщыгъ псэолъэшӀыным ипсынкӀагъэ нахь макIэ хъунэу, ау псэупӀэхэм ядэгъугъэ нахьышӀу хъунэу.
Ащ нэмыкӀэу Шъачэ унэ тепшIыхьэнэу щыIэ ч1ыпIэ дахэхэр ахъщэшхо зиӀэ цӀыфхэр ары зищэфэнэу фаехэр. Мы уахътэм ащ фэдэ чӀыпӀэхэр къалэм бэдэдэу дэтых, тапэкӀи ахэм ащашӀынхэмкӀэ амалышӀухэр щыӀэх. Шъачъэ и Хъустэ ыкӀи ПсышIуапIэ (Лазаревскэ) районхэм тапэкӀи нахь зыщаушъомбгъущт, ахэр ары псэолъакӀэхэр анахьыбэу зыщашӀын алъэкӀыщтхэр.
Къыхэгъэщыгъэн фае псэупӀэ лъапӀэхэм (унэ лукс) алъэныкъокӀэ уасэхэр лъэшэу зэрэлъагэхэр, ау нэмыкӀ чӀыпӀэхэу Шъачэ щыӀэхэм уасэ тэрэзхэмкӀэ псэупӀэхэр ащыбгъотыщтых. Урысыем псэупӀэхэмкӀэ щыпэрытхэм ащыщэу алъытэрэ сайтэу «Цианым» тызэреплъыгъэмкӀэ, фэтэр ыкӀи унэ мини 4-м ехъу щащэщтыгъ.
ПсэупӀэ унэу Шъачэ щащэрэм зы квадратнэ метрэм игурыт уасэ сомэ мин 141-рэ ($ 1744-рэ). ПсэупӀэ унэм игурыт уасэ сомэ миллион 38-рэ ($ 470,000-рэ). ПсэупӀэ унэу Шъачэ щащэрэм анахь уасэ макӀэу иӀэр сомэ миллиони 7 ($ 86,570-рэ). ПсэупӀэ унэу щащэрэм анахь уасэ лъагэу иӀэр сомэ миллион 412-рэ ($ 5,095,000-рэ).
Мы уасэхэр 2025-рэ илъэсым жъоныгъуакӀэм и 9-м агъэкӀэжьыгъэх, зы доллар а мафэм уасэу иӀагъэр: сомэ 80.86-рэ.
Comments
Post a Comment